台灣史2作業4 <邱詩涵>

        這幾个禮拜看了真濟影片，其中印象上深的是彼个田媽媽咧講伊佮翁婿的故事，閣有為台灣所做的各種的運動，予我看佮目屎攏咧欲lak落來，感動的是的愛情故事，猶有為台灣所做的任何打拼，就連攏已經倒咧病床頂矣掛念的閣是台灣的未來。猶閣有看紀錄美麗島事件的影片，其中講到佇1980年2月28日彼工發生的林家血案，嘛就是林義雄先生兜所發生的慘案，遐更加撼動人心，予我看佮攏起雞母皮，感覺國民政府哪會遮爾恐怖，連囡仔攏毋肯放伊煞，竟然趁林先生予掠入去關，厝裡無查捕人的時陣，下這款毒手，白色恐怖實在是台灣人心中永遠的痛。

        真正真感謝彼寡佇彼个時陣不願放棄遐爾打拼的人，若不是，嘛袂有今仔日的台灣，雖然這馬的社會仝款有淡薄仔動盪不安，毋閣相信台灣未來一定會閣較好。