台灣史2作業3：< 反服貿運動 > <邱詩涵>

台中勤美綠園道反服貿晚會

台北濟南路上擺的學生製作的太陽花

立法院門口

這是我頭一次參與公共議題參加社會運動，會去參加嘛是因為感覺這已經關係到家己ê未來，而且是有深刻ê體會，檢采往擺家己就是彼款對社會上ê代誌攏真冷淡ê人，毋過參加過了後才發覺原來冷淡ê人才是上大ê壞人，佇一百多年前愛因斯坦就已經講過一句話：『這世界袂予那些作惡多端ê人毀掉，顛倒是彼寡冷眼旁觀、選擇保持緘默ê人』，這擺參加反服貿運動，嘛就是太陽花學運，總算少年人徛出來矣，就是彼寡往擺予人叫做是草莓族ê少年人，徛出來捍衛咱ê國家，而且咧各地都叫起了社會大眾ê意識，我想我這世人應該攏袂共這年3月ê太陽花學運放袂記，這擺ê社會運動予台灣人真大ê震撼，我嘛一點攏無後悔去參加這擺ê運動，我是佇3月24日透早發生ê行政院事件了後ê隔轉工才決定欲上台北去看看這一切，原本是只有參加佇台中ê場，那尾仔ê兩個禮拜有幾天ê時間攏會請假上去台北，雖然厝裡ê對一開始ê認同嘛攏轉為無啥支持，因為感覺我共學業攏荒廢了，但是我認為，若是這時陣毋做伙徛出來，讀閣較濟冊嘛是無路用ê，就準講我無親像彼寡專家對所謂ê服務貿易協定ê內容遐爾了解，毋過至少我知影這是對台灣毋好ê、對咱ê未來毋好ê，我真歡喜嘛真慶幸我有參與。