我今天訪問的是我的阿公，伊出生佇民國二十四年(昭和十年)，今年已經八十歲矣，伊本底是苑裡人，因為細漢厝裡散赤，所以沒有讀過書，伊的老爸嘛就是我的阿祖，聽講身懸有到咧欲兩百公分，毋過因為自細漢就有一寡病痛，所以其實並無方便行動，嘛無法度做工課，甚至捌做過乞食，後來阿祖流浪到通霄，從此在通霄定居下來。
嘛是因為家裡散赤，攏總有五个兄弟姊妹，其中有一个咧很細漢的時候就夭折去了，閣有一个姑婆嘛送予別人養，我後來才知道那个姑婆的養父就是阮媽媽的阿公，嘛就是阮外媽的爸爸，所以這馬猶是會使揣的到她，而且阮蹛足近的，對伊的稱呼嘛有兩種，一个是姨婆(因為伊是外媽的小妹)，嘛會使叫姑婆(因為伊是阿公的親小妹)，實在是真神奇的關係。大姑婆自細漢就有小腦萎縮症，嘛毋災是不是因為遺傳關係，所以生完囡仔無偌久就過身阿，連生落來的囡仔只要是查某的，就攏會有這个病，其中有伊个阿姑已經發病矣，實在是真可憐。
另外閣有一个叔公，其實我嘛是最近這幾年才知影有這个人，因為從來毋捌有人佮我講過，連阮阿母嘛無啥清楚，伊因為小時候智商較無好，然後又佮意去廟口看人咧搬歌仔戲，就跟咧戲班四界流浪，後來去到台東，閣佇遐認著契爸、契母，後來因為伊的契爸、契母攏過身去矣，兄弟姊妹嘛無法度照顧伊，後來就共伊託付予社會局，依賴著社會局予伊的輔助金過日子，嘛是因為按呢阮厝裡的人才有法度閣揣到伊，雖然阿伯揣到伊的時陣伊嘛已經不幸過身去矣，阿伯就共伊請轉來故鄉遮由阮祭拜，不知影為什麼阿公敢若無啥願意認這个小弟，是啥物原因伊嘛無講，可能是因為細漢的時陣日子真正是傷苦矣，實在是負擔袂起，加上伊閣有智能障礙方面的問題，所以伊才無去共伊揣轉來。
阮阿公九歲的時陣就去別人家做長工替人做代誌矣，一直到咧欲做兵矣才轉來，做完兵閣繼續去磚仔窯作穡，後來娶某生囝了後，因為厝裡的經濟猶是真無好，所以我的爸爸國小三年就去磚仔窯佮阿公做伙工課矣，嘛無啥物機會會當予伊讀冊，這馬才估不而將做一寡粗重的工課，阿伯是因為半工半讀才考牢警專，後來做警察，嘛是因為阿姑跟阿爸攏較大漢矣有做伙工課，幫忙分擔厝裡的負擔，後來才有法度去買地、起厝，就是這嘛阮咧蹛的彼間，若無攏是用共別人租的，其實伊講的這寡話我攏已經聽過真濟擺矣，但是猶是感覺真有感觸。我感覺往擺的人生活真正足辛苦的，伊閣有講到1959彼年真嚴重的八七水災，阮拄好蹛佇災情上嚴重的苗栗、台中地區，有人兜的便所攏倒塌去矣，甚至閣聽講有人予埋佇水缸內，真正足印象深刻。阿母嘛有講伊彼時陣猶真細漢，外媽閣大腹肚，當時
的房子就算是佇較高的所在，水攏嘛是淹到眠床頂矣。
的房子就算是佇較高的所在，水攏嘛是淹到眠床頂矣。
聽完阿公講完伊的故事，猶有兄弟姊妹的代誌，實在感覺真毋甘阿公，想袂到伊早前竟然會過甲這呢艱苦，若毋是有伊的打拼，嘛袂有這嘛的阮，廳伊講完目屎攏咧欲落落還矣。
雖然伊是生在予日本統治的年代，根據咱讀過的冊，照理講較早的人應該攏會佮日本的一寡政策有關係，嘛應該會有一寡印象，毋過阮阿公煞講伊攏無知影嘛不了解當然嘛袂曉講日語，可能是因為攏咧做工課，厝裡就在散赤就咧真歹過活矣，所以心內想的當然只有趁錢、還錢，閣安怎會知影啥物日本、啥物政治，佗位管的到遐濟，嘛根本無機會讀冊，所以伊攏佮阮講愛好好仔認真讀冊，後擺才會當有好的前途，嘛會當彌補伊的遺憾。
我感覺其實這擺的訪談對我來說真有意義，予我會當閣較清楚老一輩往擺是安怎佇過日子，更加會當思考我的未來，對真濟代誌嘛多了真濟想法，對咱來說，咱真歹去想到像早前彼款的生活，彼是多呢仔辛苦，為著厝裡愛到人厝裡做長工，做人的奴隸，幫人做代誌，閣愛蹛佇人兜，到大漢了後才會當恢復自由，就算恢復了自由，嘛是愛持續做工課來幫忙厝裡，想想的了後，感覺佮比起來，我這馬拄到的困難閣算啥物。佇遮爾現代進步的年代，我愛啥物有啥物，就算厝裡有較歹過，只要想欲做工課，隨便揣攏嘛可以揣到比做啥物長工，猶是去磚仔窯輕鬆足濟的代誌，閣會使一爿讀冊、一爿趁錢，咱會使自由的去參加真濟社會運動，這馬的咱想欲講啥物就講啥物，會當盡情爭取屬於家己的權利，毋過對來說可能連佮爸母應喙攏是一項大罪過，又閣安怎敢去佮頭家甚至是政府起衝突猶是反抗，雖然嘛是會有真濟抗士做的到，毋過對阿公這寡可能連家己攏飼袂起的平凡人民來講，食飽才是上重要的，就算講受了真濟委屈，嘛是愛繼續做落去，才有生存的空間。雖然我的阿公、我的家族，並無像其他人厝裡可能有真濟真偉大的代誌，毋過的人生經歷就是一部上偉大的電影。這擺訪談中感覺上料想不到的是，原來上課時說到有往擺有一寡人對著戲班流浪的代誌真的會發生，閣是發生佇我的厝裡，閣有做長工這款佇電視頂才會看到的代誌，竟然就是發生佇我眼前的阿公身上，真正感覺往擺的人故事足濟，是真值咧回憶的人生。
比起來，我這馬拄到的困難閣算啥物。佇遮爾現代進步的年代，我愛啥物有啥物，就算厝裡有較歹過，只要想欲做工課，隨便揣攏嘛可以揣到比做啥物長工，猶是去磚仔窯輕鬆足濟的代誌，閣會使一爿讀冊、一爿趁錢，咱會使自由的去參加真濟社會運動，這馬的咱想欲講啥物就講啥物，會當盡情爭取屬於家己的權利，毋過對來說可能連佮爸母應喙攏是一項大罪過，又閣安怎敢去佮頭家甚至是政府起衝突猶是反抗，雖然嘛是會有真濟抗士做的到，毋過對阿公這寡可能連家己攏飼袂起的平凡人民來講，食飽才是上重要的，就算講受了真濟委屈，嘛是愛繼續做落去，才有生存的空間。雖然我的阿公、我的家族，並無像其他人厝裡可能有真濟真偉大的代誌，毋過的人生經歷就是一部上偉大的電影。這擺訪談中感覺上料想不到的是，原來上課時說到有往擺有一寡人對著戲班流浪的代誌真的會發生，閣是發生佇我的厝裡，閣有做長工這款佇電視頂才會看到的代誌，竟然就是發生佇我眼前的阿公身上，真正感覺往擺的人故事足濟，是真值咧回憶的人生。
我希望我會當好好矣認真，才會當予我的阿公、我的爸母、我厝裡的人過好日子，毋通浪費了對我的栽培，家己的代誌會當好好矣完成，佇學校的課業成績會當愈來愈進步。
對我的栽培，家己的代誌會當好好矣完成，佇學校的課業成績會當愈來愈進步。
