期中讀冊報告<白色封印> <邱詩涵>

冊名：白色封印

作者：口述 / 盧兆麟、凃南山、郭振純、顏世鴻、陳英泰

            採放紀錄 / 胡慧玲、林世煜

出版社：國家人權紀念館

內容介紹：

    彼个時代，政治獄敢若瘟疫，襲捲全島，成為封鎖人心ê印記。in用堅強ê性命力對抗白色恐怖，彼是人權奮鬥ê路……六个故事，紀錄六位前輩在五零年代初期用 in ê性命走揣國家出路ê親身經歷。

心得：

    咱出世佇一个已經解嚴、有充分ê言論自由、出版自由、種種自由、會使隨在你看家己佮意ê書、做家己佮意ê代誌、會當由在你討論一寡往擺予禁止ê代誌ê一個和平ê世代，而且欲愛啥物有啥物，真濟想欲知影ê代誌只要上網揣攏揣ê到。

    往擺其實真討厭看這種冊，因為覺得誠無趣味，甚至覺得彼是遐爾久進前ê代誌了，這馬閣看嘛袂有幫助，但是這擺這本書顛倒予我有無仝款ê感覺，因為伊真真實實ê共經歷攏記錄出來，而且邊仔有附著真濟照片、圖片，予我看了袂覺得真忝，並且想欲繼續看落去。就 in ê經歷真正感覺真無法度相信，因為咱這馬這个時代根本袂有這款代誌發生，所以感覺真歹去想像。

    看了六位前輩ê經歷，予我感覺就敢若親身經歷過仝款，假使不是有 in ê付出，嘛袂有這馬ê台灣，國民黨政府彼款粗殘ê手段，就準講無體會過看了嘛會起雞母皮，甚至替受害者猶有 in 厝內ê人感覺毋甘，這本書ê後壁閣有附一寡已經被銃殺ê受害者的遺照，會予人不禁有想欲尊敬 in ê感覺，因為 in ê眼神是遐爾仔堅定，若是遐的被銃殺ê人這馬猶閣活著，肯定會為台灣帶來閣較濟ê幫助，而且一定會tshuā台灣行向閣較美好ê路，而不親像現在…雖然這馬已經比彼个時代好足濟足濟矣，毋過嘛是因為前輩ê努力、犧牲，奉獻出 in ê性命交換來ê。

       這本書予我看到無仝款ê台灣，有影是真值推薦ê一本書。

寫報告ê時所參考ê資料：http://blog.yam.com/michaelcarolina/article/6134828